黄子华栋笃笑的经典台词（粤语版）
1、 爱情
白雪公主，几咁纯洁无瑕。但系谂真啲，白雪公主，识得嗰个系王子，灰姑娘识嗰个又系王子；有个有特殊嚐好，钟意锡青蛙嘅女人锡咗只青蛙一啖，只青蛙变出嚟嘅又系王子！有冇人谂过根本个王子系同一个人呢？根本呢个王子都不知几花心，周围沟女。仲无良到扮青蛙去沟添！
2.情窦未开
我第一次恋爱之前，我认为自己就系杨过，而我同书里面个杨过唯一唔同嘅地方，就系佢有只大雕。而我嗰阵，就钟意捻呢个相思同画眉多啲。同杨过一样，我从来冇谂过要考第一。
我只需要爱情，只要搵到我嘅小龙女，我就可以抛弃学业，退隐山林，搬入新界住。但系我一定要住西班牙别墅，我唔住得村屋，我怕蛇虫鼠蚁。然后每个月至多出一次市区，不过我唔会逗留得耐，问亚妈攞完零用钱我就会入番入去。
丝路花雨冇错，基本上，我由中一至中五都系喺呢种咁超然嘅思想下度过。嗰阵时学校最流行嘅辩论题目系：“中学生应否谈恋爱？”我认为，我哋应该辩论嘅系“中学生应否读书？”
而喺我第一次恋爱之前，我嘅小龙女只需要一个条件，就系靓，我知我咁样谂好肤浅，但系
嗰阵时我仲细，唔知道原来身材都好重要嘎。
3.性
圣人话:“食性也！”食同，好唔同！一个人无论几钟意食，会唔会比几十蚊入戏院睇套“蒸气腾腾小龙包”？一个人无论几钟意食，又会唔会为咗望一旧冇包住嘅牛肉望到畀车撞？
4.爱情
恋爱唔系PART-TIME，你唔可以话：“爱！做完咪走啰！”恋爱系一盘生意，你要二十四小时谂住佢。自己生意，冇所谓PART-TIME正识。人哋放假或者过年过节，你更加要开OT添。行花市啦行海边啦睇戏食饭啦……
你有乜嘢竞争对手呢？我冇竞争对手？！你估你系专利巴士公司啊？港巴都执咗啦！有冇考虑结婚？咁就要向公众交代，咁就即系上市啦！所以，“中学生应否谈恋爱”唔系问题，问题系“人类应否有两份全职工作？”
你再拍拖，需要知会你老板：“老细，我出面搵咗份恋爱，我真系好需要呢份恋爱，不过公司啲嘢我会照做，我兼顾到嘎。”然后你老板会话：“咁你不如搵多份恋爱，咪直情唔使番呢份工啰！”
5.新鲜
依家啲人沟女，对绦女最大嘅要求系乜啊？唔系靓，最紧要，系够新鲜！
乜嘢叫做够新鲜啊？就系话，沟咗一年嗰个，就唔够沟咗半年嗰个咁正。因为半年嗰个新相识，新鲜啲。同样，沟咗半年嗰个，就唔够三个月咁正。沟咗一个月就唔够半个月嗰个咁正。沟咗一日就唔够半日嗰个正，如此类推，终於……沟咗嗰件，就唔够未沟嗰件咁正！
咁即系点呢？仲沟唔沟好呢？一沟就唔正？！
6.女人伟大
黄：系爱情之中，女人最伟大！
男人嘅牺牲，就为咗追求美丽；而女人嘅牺牲，就只系得到一个麻甩佬！而最伟大嘅系佢哋根本唔觉得系牺牲。
如果你话畀一个女人听，喂，你男朋友有口臭！
张：车，人梗有局部缺点嘅！黄：佢仲有臭狐同香港脚喎！
张：咁佢咪好平均咯！ 黄：佢啲鼻鼾声唔使搅咪啊！
张：我男朋友一定系梦见我，我开心。 黄：佢屙尿乱咁啡！
张：好壮啊！ 黄：佢啡完唔洗手！ 房东的猫
张：边有男人洗手嘎！ 黄：我有！
张：乸型！ 黄：佢仲讲粗口啊！
张：但系佢心地好！ 黄：佢系电梯度食烟喎！
张：公众场合都唔畀食咯，佢咪呢埋一边食啰，你哋仲想点啊！你系咪想逼死佢？！系咪想逼死佢？！
7.责任何在
如果你话我听，因为我唔靓仔，所以唔可以做戏，你唔应该话我听！因为唔关我事，我唔应该负呢个责任，你应该同我父母讲，系佢哋搞成我咁嘅。如果你要罚，应该罚佢哋。以后，边个丑样，就罚佢爸爸妈妈唔准做戏！或者剩系做茄呢啡！我唔系一个唔负责任嘅人，为我爸爸妈妈嗰短短一刹嘅快感，我已经负责负咗廿几年。你估做我好易做啊？我细个读书唔好，或者唔合格，我冇要父母负责。我自己签晒啲成绩表嘅。 每当我爸爸妈妈有争执闹交嘅时候，我有冇叫佢哋为咗我嘅童年着想，忍下对方？冇！我叫佢哋出街闹！我大个咗，唔知应该信边个宗教，唔知做人为乜，唔知人生事业嘅方向都冇要求父母照顾我。反而系我调番转头，提醒佢哋：你哋要搵钱啊，积谷防饥啊，唔系第日老来无依无靠
啊!乜嘢都系我！
8.男仔唔驶靓仔
靓仔系唔系真系咁重要啊？有啲人话男人唔驶靓仔嘅，有才华咪得啰。
系，你有冇试过带你嘅才华去落disco识女仔啊？人哋啲靓仔一行入去，唔使二十分钟，就已经同啲女仔互相问问题：“你度定我度？” 我带住我嘅才华入到去，几艰难先搵到个女仔肯畀个机会我。唔系畀机会我交换问题，而系畀机会我天才表演。 唱歌跳舞做话剧讲大话功夫表演，成套欢乐今宵一个人做一次…… 城里的月光原唱
华晨宇 海阔天空9.演戏天份
我从小就知道，我系一个伟大嘅演员。 人哋细个成班细路埋，钟意玩扮结婚，扮爸爸妈妈。我细个，就钟意扮淫妇。 但系唔知系咪我个样比较老实，我系从来都冇机会扮。每次我都系扮淫妇……嘅老公。 虽然系咁，虽然，我亦都系成班人之中最细嗰个。但系我已经可以将一个妒忌嘅男人心态表现得淋漓尽至。当然，我啲朋友个个都赞我，话我天生出嚟，就系戴绿帽嘅。
10.死亡
细个嗰阵，我系唔怕死嘅。我觉得，系以前啲人先会死嘅。系历史书里面嘅人至会死。好
多人唔明历史有乜用，历史咪话你听边啲人死咗啰。 我从来未睇过一本历史书有提到黄子华呢个名，我点会死啊。最紧要系，就算死都唔系乜嘢一回事。 细个嗰阵隔离陈师奶成日叫佢老公：“咁多人你仲唔？”
然后去完番嚟,阿陈师奶又会话：“死番嚟啦，唔死多阵添？” 所以我一路都认为，，即系去街，同埋一定唔会去好远。因为阿陈生每次都好快就返嚟嘅。
11.
喂，系需要付出好多嘎。 朝早要睇晨操夜晚要睇董骠，又要同朋友交换读书报告。 你估我哋睇得书少？市面几多马经啊？ 仲唔系话你睇得多就得嘎喎！ 香港啲马经，一埸十只马，十只马都有人贴，你自己思想唔够独立，咁你就死梗啦：唔该，呢场每只帮我落100蚊啊！希望中啦！
夏天嚟啦，抖暑啦，你估系畀啲马休息咩？系畀我哋休息啊！
12.泳池
黄：去公众泳池嗰啲唔系叫做游水，嗰啲叫做浸水。因为喺公众泳池游，只可以用一种泳式，就系弹式，同一个位，弹下弹下。
张：如果系高手可以用式，但系要潜落水底嗰度用。
黄：点解香港啲泳池咁鬼逼嘅呢？
张：唔好问啊，趁人多你好快啲浸下。等阵所有人上晒水嗰阵，你就会发觉，个池啲水原来到膝头哥嘎咋！你去浸脚指啦，下次。
黄：其实我哋香港人都习惯咗人多，去浸下水都好。但系可惜嘅系，呢啲水，唔系一般水，呢啲系暖水！你成日喺泳池度，你会发觉有啲人，全身唔喐，眼碌碌。
张：哦！你喺泳池屙尿，咁冇公德心！由细到大我老豆都教我嘎啦，急尿，去隔离池啊嘛！
黄：所以我喺度，趁呢个机会，同你啲儬仔讲啊！游游下小童池就走过嚟大人池，擒喺个池边，唔好话我听系学游水啊！
张：特别系擒正喺喷水口嗰啲啊！想毁尸灭迹啊！
13.改名
改名，只系啲父母将自己嘅主观意愿套喺啲仔女身上。所以大部份女仔唔系叫美乜就系丽乜。男仔唔系叫阿坚，就系阿强，一唔系就叫阿祥。咁我哋系咪好美丽，好坚好强好长呢？
14.黑白不明
吴大伟妹妹
我非常欣赏嘅“黑猫白猫，捉到老鼠就是好猫。”我老友阿雄个老婆生仔，生咗个黑人出嚟，我都系咁对佢讲：“黑仔，白仔，快高长大就系好仔！”
15.闹人
以前我哋笑人，会话：“你有得发达？太阳由西边出嚟啊！”依家我哋就会话：“你有得发达？建筑面积等於实用面积啊！”
又或者话人丑，现在我哋都会技巧好多：“你唔丑，你点算丑啊，你系块面唔多实用咁解嘛。你嘅鼻台太大，啲眼耳口鼻咪唔见使啰。”
16.失恋
失恋系会令人成长嘅。我失恋之前，一向都觉得世界上所有问题都有答案。
点解我哋每日都要8点钟起身返工啊？因为够钟啰！
点解我哋有够钟呢样嘢啊？因为我哋唔用浮动上班时间啰。
点解呢个世界有战争？因为我哋有武器罗。
咁点解我哋要有武器啊？因为佢哋有武器啰。
一切都有答案，直到我失恋。
阿珍，点解你唔爱我？阿珍畀咗一个经典嘅答覆我，佢话：“爱情系冇点解嘎，系唔可以解
释嘎，唔好问啦。”（记紧呢句啦）
如果番学阿sir问我嘢都可以咁答就好啦！“黄子华，物体燃烧点解需要氧气啊？”
“阿sir，系冇点解嘎，系唔可以解释嘎，唔好问我啦！”
17.隆胸
叶子微简直为演艺界创下新标准。
以后啲女仔想做明星，又唔使睇样，又唔使睇演技，去磅啦！！！（加强语气）得，入去磅一磅就得啦。“开黎，六斤半，片酬系六千五蚊一日，小做唔做？”“开黎，八斤有疤痕，八千减一千疤痕费，即系7千蚊一日。”
你话几客观呢！ 
20.放假
黄：一般人都会好珍惜每年一度嘅年假！
张：今年我要去夏威夷游下水。
黄：如果你决定去夏威夷，你就要预咗付出沉重代价！前四后六！
张：我讲紧系年假，唔系产假啊，子华！（真系啊……）
黄：前四后六嘅意思系，喺你放假之前嗰四个礼拜，同你放假之后六个礼拜，都要做到仆
街！（死未）因为无论你放几耐假，你嘅嘢始终系你做番。
张：系你嘅始终系你嘅！
黄：唔单止，放完假，唔系你嘅都会变成系你嘅！
21.金捞
知足 家家点解要带金捞？唔带捞，有乜资格同人讲，时间系宝贵？我嘅时间点值钱呀？（你话系唔系先）
嗱，支时针围住行一个圈，12个钟，十几皮嘢，即系为皮几嘢一个钟。你一个钟值几钱啊？
几旧水？我点同你一齐食饭啊，大家时间观念咁唔同！
唔单止咁，你带捞，表示你个人有幽默感。劳力士，有边个靠劳力搵食嘅人带得起劳力士啊？越带劳力士嘅人就越表示佢唔使用劳力！呢啲，就叫做幽默感啦。
22.女爱情观
女仔对爱同钟意有好大嘅分别，如果个女仔知道个男仔钟意佢呢，佢都会同佢去下街，睇下戏，食下饭，但想做进一步嘅嘢就唔得啦。
而女仔知道个男仔爱佢嘅时候系绝对可以付出更多。喺女仔心目中，钟意等於“帮衬”。
但爱喺女仔心目中等於“收购”，收购包括“注资”，然后“合并”……（系呀，系呀！）
所以女仔要男仔将佢嘅爱注资落嚟，嚟护口注资落嚟，最重要嘅系嚟钱注资落嚟。
然后去买Joyce啦，Panda啦，Gueeo啦，买到一身都系，等佢认为可以巩固佢自己嘅价值，但佢哋系绝对冇得到男方嘅同意嘎！
嗱！我宜家同你哋讲啊，你哋嘅黑箱作业，好容易破坏男方嘅经济嘎！（你哋都好有共鸣啦）自重 当乜嘢人都唔搵我做嘢，我就知道，我系一个伟大嘅艺术家，在生嘅时候系唔会获得应得嘅尊重。唔止咁，我重伟大过伟大嘅艺术家，因为我知道，我死后都唔会受到尊重。
4.迷惘 喺公司，老板会同我讲：“你返嚟唔系瞓就系去厕所，你当呢度系屋企啊，呢度系公司啊。” 我返到屋企，阿妈又会话：“你重当呢度系你屋企咩，你返嚟唔系霸住个厕所就剩系识瞓！” 噉……噉我番屋企又唔瞓觉又唔去厕所，返公司又唔去厕所唔瞓，噉我呢啲嘢去边度做啊？ 不过后嚟我谂过自己又系过份啲嘅，于是我就痛改前非。以后返屋企我就剩系瞓觉，返公司就剩系去厕所。
十八岁 点解十八岁先至系合法年龄呢？因为到咗十八岁，喺法律上我哋就要对自己负责任
多余，唔通十八岁之前，我哋就唔使对自己负责咩？唔通十八岁之前，我就可以随时扑出马路：“我唔信啊，我17岁半咋，你敢撞死我？”唔通十八岁之前，我喺油麻地踩完个纹身佬一脚，个纹身佬会话：“死儬仔，你未够十八岁，我忍你！”
6.buffet可以食过份,出猫吾好太分
7.有人话，吸烟危害健康，梗系啦，一包烟几十蚊，食十包就无左几旧水，仲唔短几日命啊？根本咩野都危害健康。睇戏又危害健康，karaOK又危害健康。shopping？？唔好啦呱，上年shop过一次，差Ｄ过唔到年。
拜年　呢幾年，拜年嘅賀詞之中，最流行係邊句？祝你——不勞而獲。（唔係掛？）恭喜人哋發財當然好，但係發財，都要有方法。有邊一個方法，好得過不勞而獲？（係咪）不勞而獲嘅方法就係唔使方法，唔使方法就係最好嘅方法。我哋想發財，已經想到到咗一個禪嘅景界！不勞而獲既然可以成為新年賀詞，我期待喺未來幾年，我哋話人蛇鼠一窩，即係讚佢合，話人非姦即盜，即係話佢勇敢！嘩，真羨慕你呢個家庭，真係蛇鼠一窩非姦即盜。梗係，唔係我哋點會陷家富貴！ 9.共產主義 我有400蚊，做得同志，冇理由唔囉出黎大家分左佢咁衰仔係咪先？好啦，400蚊4個同志分，每人有一舊水。依家我400蚊分俾1
2億個同志，每人有幾多？ 你叫馬克思心算啊，我包佢唔識計！共產主義唔係話唔好，你成個國家都係得4個人咪幾好囉！仲要係最好其它嗰三個人都有錢過你！
陈家熹：我觉得，孔明系好劲，系诸葛亮。系同一个人来噶！我知你D人林咩噶，曽经有人咁问我：你觉得孔明劲定系诸葛亮劲？ 孔明系好劲噶！ok？但系我唔系讲佢呼风唤雨、料事如神那方面。我系讲紧孔明的感情生活好劲！ok？孔明的老婆系非常丑！有几丑？丑到爆灯！孔明的老婆姓黄，佢个外号就系叫做阿丑！黄啊丑！你需知道，如果你系一件猪扒，同你猪扒到一个地步，你的外号就系叫做猪扒，系两种境界！一个人究竟有多丑个外号先系叫啊丑啊？哇，离远睇，好像烂左，近睇，哦，冇事,就快烂。唔系唔系，黄啊丑唔系咁样丑法，史书系有记载噶！黄啊丑系点丑呢？黄头发，黑皮肤。呢度有冇？有的我encoure。 哈哈哈哈哈，好，继续。大家需知道我地男人系同女人唔同噶，系好唔同，男人系好难接受一个女人个外形系唔靓噶。我唔知点解好多女人个男人好丑都冇问题，我整日觉得对女人来讲，男人系杯苦茶一样，哗，真系好难咽下去啊，但系有益啊嘛。